مەردم سەر لەلیان شیویا.. چشتیگ ئەڵاجەوی لە کنار دەریایگ لە ئوسترالیا دەرکەفت
ئەو تەنە کانزای گەپە لەلایەن خەڵک ناوچەگە لە کناری گرین هێد پەیا کریا، کە نزیکەی ٢٥٠ کیلۆمەتر لە باکوور شار پێرسەوە دویرە.
پولیس ئەمریکا لە بەیاننامەیگ وت: "خوازبمن مەردم دڵنیا بکەیمن کە هایمنە فتراق تەقەلایگ هاوبەش وەگەرد دەزگا جیاوازەیل ویلایەت و فیدراڵی ئەرا دیاریکردن سەرچەوە و سروشت ئەو چشتە.
دەسەڵاتدارەیل ویلایەت و فیدراڵی کە لایەنەیل سەربازی و دەزگای بۆشایی ئاسمانی ئوسترالیا هاناویان، لێکۆڵینەوە لەو تەنە کەن، کە جویر چشتیگ رخبەر وەگەردی رەفتار کریەێد، پولیسیش داوا لە خەڵک کردیە لەلی دویر بکەفن تا بیوەی بوون.
کۆمپانیای پەخشی گشتی ئوسترالیا بڵاو کردیە، پانی سلندەرەکە ٢.٥ مەتر و درویژییەگەی نزیکەی ٣ مەتر بوود.
جیۆفری تۆماس، شارەزای فڕۆکەوانی وت: هاتێ ئەو چشتە تانکی سووتەمەنی مووشەکیگ بوود، کە لە ماوەی 12 مانگ گوزەشتە لە شوینیگ لە زەریای هیندستان کەفتیەسە خوار.
ئاژانس بۆشایی ئاسمانی ئوسترالیا راگەیان؛ چماێ ئەو سلندەر کەپە لە مووشەک وەشانن بۆشایی ئاسمانی کەفتیەسە خوار، و پەیوەندی وەگەرد دەزگایل ناودەوڵەتی ئەرا ئی باوەتە کەێد.
