مەترسیەیل خەفتن وەبان دەم بزان

شارەزایەیل مژار تەندروسی دووپاتکردنە، وە وەردەوامی خەفتن لەبان دەم بەراورد وە شیوازەیل ترەک خەفتن بەدترین جویرە، یەیش وە مدوو ئەوەگ فشار خەێدە بان ماسیڵچەی سنگ و زگ.

ئەندرۆ پانگ شارەزای مژار سوخان و ماسیڵچە ئوشێد: لەوەخت رووژ فشار فرەیگ کەفێدە بان بەش خوار پشت، باوجی وەختیگ وەشەو لەبان دەم خەفید ئەو بەشەی لەش نیەتوەنێد هچان بدەێد.

 ئەرا قورتاربوین لەی گیچەڵە شارەزایەیل پیشنیار کەن ئەرا راهێنان کردن وەبان شیوازەیل ترەک خەفتن یا وەکارهاوردن باڵنج یا گۆشە لەژیر قول و سینگ ئەرا کەمەوکردن فیشار وەبانیان.