کۆمپانیایگ چینی ماشینیگ وە کەمتر لە چوار هەزار دۆلار خەێدە بازاڕ

شەفەق نیوز/ کۆمپانیای وڵینگی چین رایلگەیان، لە چارەک یەکەم ساڵ ٢٠٢٢ ماشینیگ نوو وە کەمتر لە چوار ھەزار دۆلار خەێدە بازاڕ.    

کۆمپانیای وڵینگ “Wuling” چینی بڵاوکردگە، ماشینەگە ناوی Dongfeng Fengguang Mini EV و لە  یەکەم چارەک لە ساڵ ٢٠٢٢  خستەی بازاڕ و وە ٣ ھەزار و ٧٠٠ دۆلار فرووشێدەی.    

ماشینەگە وە ستایلیگ نوو دروسکریاگە ک لە چوار کوشن ها ناوی و چوار سەرنشین گرێد و دوو کوشن پشت ماشینەگە گردەو کریەن و بەش پشتەگەی وتەواوی کریەێدە سەندوق.    

درۊژی ماشینەگە دوو مەتر و ٩٩ سناتیمەتر و پانییەگەی مەتریگ و ٤٩ سانتیمەتر و بەرزییەگەی مەتریگ و ٦٤ سانتیمەترە. دۊری ناوبەین تایەرەیلی مەتریگ و ٩٦ سانتیمەترە ک ھەر تایەریگی ١٦ ئینجە.    

چراخەیلی وە نووترین دیزاین و تەکنەلۆجیای LED دروس کریانە، و بەش وەردەم  رانندە هۊچ دوگمەیگ لەناوی نییە، باوجی کریاسە شاشە،  و کلگ نەێدە پیەو تا کار بکەێد.    

ئەرا پارک کردن و وجۊلەکردن و دۊیاچگن کامێرا و شاشەی تایبەت ئەرای نریاگە.