لە ولاتیگ ئەوروپی وەفر سیا وارێد
شەفەق نیوز/ دانیشتگەیل چەن ئاوایگ لە هەرێم مەکدۆنیا لە رووسیا راگەیانن لەوەر سۊیەتگ کارگەیگ گەرمکردن ئاو وە زوخاڵ، وەفر سیا لەو ناوچە وارێد.
ماڵپەڕ "لاد بایبڵ" لە راپۆرتیگ لەبان ئی روداوە ئۊشێد: لە ئاوایگ وەناو"Omsukchan" ک نزیک سێیمچانە، دو ئاواین لە خوەرئەڵات سیبریا، وەفر وەجۊر ئاساییگ نێوارێد، لەڕاسی جاروەجار وەپێچەوانەوە لەجیای وەفر چەرمگ، وەفر سیا وارێد و یەیش دانیشتگەیل تۊش رخ کردیە.
لە راسیەو وەفرە سیاگە دیاردەی ترسناکیگ نییە، باوجی لەوەر کاریگەر زوخاڵ دروس بوود و ژینگە پیس کەێد.
ئی ئاوایە شۊن دروسکردن زوخاڵە ئەرا وەپیدان گەرمکەر وە ناوچەگە لە ری گەرمکردن ئاو، لەوەر ئەوە مەوقەی پلەی گەرمی لە مانگەیل زمسان داوەزێد، زوخاڵەگە بایەت بسزیەێد ئەرا ئەوەگ پلەی گەرمی ئاوەگە بەرزەو بوود، لە ئەنجام بوودە هووکار زیادبۊن سۊیەتگ زوخاڵەگە و چگنی ئەرا ناو بەرگەهەوا، وەفر وە رەنگ سیا وارێد.
