لەوەر هووکاریگ رووژانە دوو گلە کێوی بخوە
2023-12-16T13:25:30+00:00
شەفەق نیوز/ وەگەرد هاتن وەرز سەرما مەردم فرەیگ هەوەجە بەنە وەر تەواوکەرەیل خوەراکی وە تایوەت ویتامین سی ئەرا خوەپاراستن لە سەرمابوین و پەتای زمسانە، باوجی توێژینەوەی نوویگ چەسپانیە رووژانە خواردن دوو کێوی ئەرا ماوەی شەش هەفتە ئەو گیچەڵە چارەسەر کەێد.
توێژەرەیل ئویشن، ئەگەر رووژانە دوو گلە کێوی بخوەێد ئەرا ماوەی شەش هەفتە جویر ئەوەس رووژانە 150 ملیگرام ڤیتاوین سی وەرگدبوید، لەوەر یەیش وە پەیڕەوکردن ئێ سیستەمە وەجە وە تەواوکاری خوەراکی نیەکەێد.
خواردن دوو گلە کێوی بوودە هووکار بەرزەوکردن بەرگیری لەش و زوقوم و پەتا وەرزیەیل، هاوکات ئاست شەکر خوین رێکخەێد و پەستان خوین داوەزنێد.
