لەوەر GTA VI کەسیگ سکاڵا لەبان کۆمپانیای رۆکستار توومار کەێد
2023-12-10T07:36:54+00:00
شەفەق نیوز/ کەسیگ وەناو "جۆکەرەگەی فلۆریدا" سکاڵا یاسایی لەبان کۆمپانیای رۆکستار توومارکەێد، وە بیانووی ئەوەگ رووخسار ئەو وەکارهاوردنە ئەرا یەکیگ لە کاراکتەرەیل ناو ڤیدیۆگەیمەگە.
وەپای خەوەریگ لە ماڵپەڕ "یۆرۆ گەیمەر" ، ئەو کەسە لە گوزەشتە لە سۆشیال میدیا وینەیلی بڵاوەوببوی و ناو "جۆکەرەگەی فلۆریدا" لەلی دانریابوی لەوەر تاتۆگان روخسار و رەفتاری.
لە یەکیگ لە دیمەنەیل ناو GTA VI، کەسایەتییگ دەرکەفێد کەمیگ هاوشیوەی ئو کەسەس و تاتۆ لەبان رووخساری هەس، هەر وەی مدووە جۆکەرەگەی فلۆریدا داوای دوو ملیۆن قەرەبوو کەێد لە کۆمپانیای رۆکستار.
هەر جویر ئەوەگ خوەی لە لێدوانیگ ئوشێد " ئەو منم، ئەو کەسەی ناو ترایلەرەگە لە شیوەی من ئیلهام وەرگردنە، جی تی ئەی، بایەت قسە بکەین، یان نەخێر هەوەجە کەێد یەک یان دووملیۆنم وەپیم بیەن، هاوشیوەی من دروسکردنە، گشت چشتیگ من بردنە".
