لە وڵاتیگ وە هووکار ئەڵاجەۊییگ هیرۆین درێدە سەگەیل بی خاوەن
شەفەق نیوز/ چەن رووژیگە میدیا ججەهانییلە سەرقاڵ رووماڵکردن دیاردەی ئەلاجەۊیگە لە ئەڤغانستان ک هێرۆین درێدە سەگەیل بی خاوەن.
ڕۆژنامەی "دەیڵی مەیڵی" بەریتانی ڕاپۆرتیگ دۊرودیرژ ئەرا ئی باوەتە کردیە و وەی جۊرە باس لەلی کەێد:
چشت ئەڵاجەۊییگ نییە پیاوەیل لە ئەفغانستان بۊینی ک هێرۆین وەکاربارێد، باوجی لەوە ئەڵاجۊتر ئەوەسە لە ناوەچەیگ جەمەو بوون و هێرۆین دەنە سەگەیل بان جادە وەرجەوەگ خوەیان وەکاری بارن.
رووژنامەگە ئاماژە وە پیاویگ وە ناو "ئەحمەد" ئەرا چەن ساڵیگە چوود هێرۆین کیشێد، بتڵ ئاو جەمەوکەێد، وەپی دۊکەڵ هێرۆینەگە کەێدە لۊت سەگەیلە، دۊیای ئەوە سەگەگە چەوەیلی واز کەێد و گوەرجەو بوود.
یەکیگ لەپیاوە بێ ماوایلە ئەرا رووژنامەگە ئاشکەرا کرد" ئیمە لەوەر ئەوە هێرۆین دەیمنە سەگەیلە ئەرا ئەوەگ گشت شەویگ سەگەیلە بان و گەرمی وەپیمان بوەخشێد و لە سەرمای شەو قورتارمان بکەێد.
لەوەر ئەوە ئێ مادە هوشبەر وەنرخە دەیمنە سەگەیل چۊنکە گەرمی دەنە پیمان لە مانگە ساردەیل ئەڤغانستان.
رووژنامەی "دەیڵی مەیڵ" باس لەوە کرد سەگەیلە وەهەمان شێوەی ئایەم تۊش ئالوودەیی تێن وە مادەهوشبەرەگان.
