لە وڵاتیگ ئاسیایی.. پیاز لە گووشت گرانترە
2023-01-10T09:07:02+00:00
شەفەق نیوز/ بەرزەوبوین نرخ پیاز لە فلیپین، هیشت دەسەڵاتەیل کشتوکاڵی راگەیانن ئەرا هاوردەکردن نزیکەی ٢٢٠٠٠ تەن پیاز لە مانگ ئادار ئایندە بکەن، تا ئەو قەیران گرانیە لە پیاز چارە بکەن.
پیاز لە باشوور خوەرهوڵات کشوەر ئاسیا یەکیگ لە خواردەمەنیە سەرەکیەیلە، ک هەمیشە پەیوەندی وە سییر دیرێد.
لە رووژ دووشەممە، یەک کێلو پیاز سوور و چەرمگ لە فلیپین وە ٦٠٠ بیزو فرووشیا ک ١٠.٨٨ دۆلار کەێد، ئەوەیش دویای چەودیاریکردن نرخ بازاڕ وەلایەن دەسەڵاتەیل کشتوکاڵی.
یەیش وە سێ قاتولە نرخ مامر گرانترە، و نزیکەی دووقات گرانترە لە نرخ گووشت وەراز یا مانگا.
