لێکۆڵینەوەیگ: خوەدان دویرەوبگرن لە وەکارهاوردن ڤیتامین E وە جویر حەب
2023-05-12T09:31:37+00:00
شەفەق نیوز/ وەپای لێکۆڵینەوەیل سروشتی دەرچگە ڤیتامین E پارێزگاری لە تەندروسی کەێد وە تایبەت تەندروسی پووس و چەوەیل و جەستە بەهێز کەێد،باوجی پزیشک و پسپۆرەیل مژار تەندروسی هوشداری دەێد لە وەکارهاوردن ڤیتامین E وە شیوەی حەب.
ئەو لێکۆڵینەوەیلە لە ساڵەیل هەشتا و نەوەتەگان سەدەی گوزەشتە ئەنجام دریانە باس لەوەکردنە، وەرگردن ڤیتامین E و سیلینیۆم دەسمیەتیدەرە ئەرا پاراستن دژە بیماری شێرپەنجە و تویشهاتن وە بە پرۆستات.
سیلینیۆم جوریگە لە كانزا و دژەئۆكسیدەیل ک جەستە پێویستیەتی وەپیە.
ساڵ 2001 تاقیكردنەوەیل ئەرا سەرکەفتا وەبان بیماری شێرپەنجە وە وەکارهاوردن سیلینیۆم و ڤیتامین E دەسوەپیکردیە ک 36 هەزار خوەیوەخش بەشەوبوین وەبان چوار گروە و ئەو جویرە ڤیتامینە وەپیاندریاگە، باوجی دویای ئەوەگ دەرچگە وەرگردن ئەو ڤیتامینە وە شیوەی حەب چەن نیشانەیگ لەبان کەسە وەرگرەگە دروسکەێد زەرەد وە تەندروسی کەسەگە رەسنێد.
