ئیلۆن ماسک نازناو دەوڵەمەندترین پیاو جەهان لەدەس دەێد
2024-03-05T10:58:12+00:00
شەفەق نیوز/ ئیلۆن ماسک دی دەوڵەمەندترین پیاو جەهان نییە یەیش ئەرا یەکەمجارە لە ماوەی زیاتر لە نۆ مانگ، دویای ئەوەگ دویەکە دووشەممە تیرەیل لە کۆمپانیای تێسلا وەڕێژەی 7.2% داوەزیا، ماسک پێگەی خوەی لە لویتکەی پێوەرەیب ملیاردێرەیل بلومبێرگ وە جێف بیزۆس لەدەسدت، و سامانەگەی ئەرا 197.7 ملیار دۆلار داوەزیا، وە بەراورد وە سامان بیزۆس کە رەسێدە 200.3 ملیار دۆلار .
ئەرا یەکەمین جار جێف بیزۆس، دامەزرێنەر کۆمپانیای ئەمازۆن، تەمەن ٦٠ ساڵ، لە ساڵ ٢٠٢١ەو رەسیە لویتکەی رزبەندی دەوڵەمەنەیل جەهان لەلایەن بلومبێرگەو.
لەوەر جویلەی تیەرەیل تێسلا و ئەمازۆن وە ئاراستەی پێچەوانە، جیاوازی سەروەت و سامان ماسک کە تەمەنی 52 ساڵە و بیزۆس وەردەوام لە کەمەوبوینە، و لە سەردەمیگ ڕی جیاوازییە فراوانتر بوی ئەرا 142 ملیار دۆلار. وەگەرد ئەوەیش ئەو دوو تیرە سەر وەو تیرە بوین کە وە "هەفت گەورە" ناودیار کە بازاڕەیل بۆرسەی ئەمریکای مەنوین، تیر "تێسلا" وە ڕێژەی نزیکەی 50% لە لویتکەی خوەی لە ساڵ 2021 داوەزیە، لە وەختیگ تیر "ئەمازۆن" زیاتر لە دوو ئەوە زیایکردگە، و بویە نزیکە لە دانان بەرزترین ئاست توومارکریاگ.
