ئیلۆن ماسک ٤ ملیار دۆلار لە تیرەیل تێسلا فرووشێد
2022-11-09T06:25:30+00:00
شەفەق نیوز/ ئیلۆن ماسک سەرۆک کۆمپانیای تێسلا ئەرا ماشینەیل کارەبایی، تیرەیلیگ لە کۆمپانیایەگەی وە نزیکەی ٤ ملیار دۆلار فرووشت، وەگورەی راگەیانن دەسەی بۆرسەیل ئەمریکا.
ئی گامە دویای زیاتر لە هەفتەیگ لەوە تیەێد ک دەوڵەمەنترین پیاو لە جەهان بویە خاوەن کۆمپانیای تویتەر، ک وە ٤٤ ملیار دۆلار سەنەی.
بەڵگەیل دەسەی پویل و بۆرسەی ئەمریکی نشان دا ک ماسک ک لەڕی تێسلا پویل بەش گەورەیگ لە سەنین تویتەر داگە، ١٩،٥ ملیۆن لە تیرەیل کۆمپانیاگە فرووشت، وە نزیکەی ٣،٩٥ ملیار دۆلار.
