ئیلۆن ماسک: ئیجا کۆمپانیای کوکاکۆلا سینم

شەفەق نیوز/ دویای چەن رووژیگ لە سەنین (تویتەر) ملیاردێر جەهانی ئیلۆن ماسک راگەیان ک ئەوەسا کۆمپانیای کوکاکۆلا سینێد. 

ماسک لەبان هەژمار تایبەت خوەی لە تویتەر نویسان: ئی گلە کۆمپانیای کوکاکۆلا سینم تا دووراە کۆکایین بکەمە ناوی.  

بەشیگ لە کومێنتەیل وەپی وتن ئاسان نییە تو کۆمپانیای کوکاکۆلا بسینێ، چۊنکە ئەرزشی ٢٨٤ ملیار دۆلارە، و تو تەنیا ١٦٨ ملیار دۆلار دیرێ. 

دیارە ئی پۆستە ک ماسک بڵاوی کرد وە هەنەکی نۊساسەی، چۊنکە کۆکایین لە یاسا قەیەغە کریاگە، ک دویای ئەوە نۊسان: با تویتەر بکەیمنە دڵخوەشییگ فرەتر.