ئیلۆن مەسک کۆتایی وە مەلویچگە کەوەکەی تویتەر هاورد
2023-07-24T12:58:59+00:00
شەفەق نیوز/ تویتەر ناو و لۆگۆی فەرمی کۆمپانیاگەی ئاڵشتکرد و لە ئیسە پیت " X" شوین مەلویچکەگە گردیە ک ساڵانیگە کۆمپانیاگە وەپی ناسریەێد.
شەوەکی ئمڕوو دووشەممە، ئیلۆن مەسک، ملیاردێر و خاوەن کۆمپانیای تویتەر، لەهەشمار تایوەتیەگەی خوەی لەبان تووڕ کۆمەڵایەتی وینەی ئەکاونتەگەی خوەی ئاڵشتکرد ئەرا پیت ئێکس.
وەرجەیە، مەسک دیاریکردوێد ک وە نیازە دروشم تویتەر وە یەکجاری ئاڵشت بکەێد و لە تویتیگیش نویسایە" وەیزوی ماڵئاوایی لە تویتەر کەێمن و گام لەدویای گام ماڵئەوایی لەسەرجەم مەلویچکەیل کەیمن".
