لەڕی نەشتەرگەری 450 کلیل و میخ و بورغی و ئاسن لە زگ پیاویگ ئیرانی دراوریا
2023-12-25T11:35:42+00:00
شەفەق نیوز/ لە خەسخانەی ئیمام خومەینی لە ئەهواز، لەدویای ئەوەگ نەشتەرگەریگ ئەرا پیاویگ ئەنجام دریا توەنریا 450 میخ و بورغی و کلیل و ئاسن لە زگی درارن و کە کیشیان وەبان سێ کیلوو بویە.
وەپای رووژنامەی ( ئیعتماد ) دکتۆر ئەحمەد رەزا موهتەدی وەڕێوبەر خەسخانگە راگەیانیە، ئەو کەسە تەمەنی 36 ساڵە هاتێ بیماری دەروینی بیاشتوود وە مدوو ئەوەگ وەی دویاییە نەتوەنستیە خوەراک قویت بیەێد سەردان خەسخانە کردیە، لەدویای وشکین ئەرای دەرکەفتیە ئەو پیاوە بورغی و ئاسن فرەیگ خواردیە وەی هووکارە بڕیاردەن هەرچە زویە نەشتەرگەری ئەرای بکرێد.
پزیشکەگە راگەیانیە، نەشتەرگەریەگە وە سەرکەفتی ئەنجام دریایە و توەنریایە نزیکەی 450 پارچەی کانزایی لەزگی درارن کە کیشیان وەبان سێ کیلووگرام بویە.
