لەماوەی مانگیگ عراقیەیل سێیەم بسینەیل ماڵ و موڵکن لە تورکیا

شەفەق نیوز/ دەسەی ئامار تورکیا، ئمڕوو شەممە، راگەیان عراقیەیل هانە پلەی سێیەم لەناوەین زیاترین ناسنامەیل کە لەماوەی مانگ کانوون دویەم 2025 ماڵ و موڵک لە تورکیا سەننە.

دەسەگە لە راپۆرتیگ ئاژانس شەفەق نیوز دیەسێ راگەیان، رێژەی فرووشتن ماڵ لە تورکیا وە رێژەی  39.7%  بەرزەوبویە لەماوەی مانگ کانوون دویەم بەراورد وە هەمان ماوە لە ساڵ پارەکە، کە بڕ گشتی فرووشتنی  112,173 ماڵ.

وتیش فرووشتن موڵک وە بیانیەیل وە رێژەی  24.9% داوەزیایە بەراورد وە مانگ کانوون دویەم ساڵ پارکە رەسیە ئەرا    1,547 ماڵ.

دیاریکرد، رووسیەیل هانە لویتکەی بسینەیل بیانی ئەرا موڵک لە تورکیا لەماوەی مانگ کانوون دوویەم، وە سەنین

 248 ماڵ، لەدویایان ئیرانیەیل تێد وە پلەی دویەم 262 ماڵ عراقیەیل وە 103 ماڵ سێیەمن.

ئۆکرانیا پلەی چوارەمین وە 94 ماڵ، ئەڵمانیا پەنجەمە وە 75 ماڵ، ئازەربایجان شەشەمە وە 50 ماڵ و چین هەفتەمەوە 49 ماڵ، ئەفغانستانی هەشتەمن وە 42 ماڵ کازاخستان نۆیەمە وە 41 ماڵ بەریتانیا دەیەمە وە 39 ماڵ.