یەکیگ لە ئەفسانەیل تووپان بەرازیل لەبان بازیەیل جام جەهانی واز لە ژنەگەی تیارێد
شەفەق نیوز/ راپۆرتەیل رووژنامەوانی، ئاشکرا کردن ک ئەدریانۆ بازیگەر ناودەوڵوتی وەرین، لە ژنەگەی جیاوە بوی، ئەوەیش دویای تەنیا ٢٤ رووژ لە هاوسەرگیریان، لەبان بازیەیل هەڵوژاردەی بەرازیل لە جام جەهانی.
ئەو بازیگەرە لە تەمەن ٤٠ ساڵان، لە نۆڤەمبەر گوزەشتە بڕیار دا میکایلا میسکیتا بخوازێد.
رووژنامەی دەیلی میل لە زوان سەچەوەیلی وت: مرافەیگ کەفتیەسە ناوبەین ژن و شویەگە، لەبان ئەوە ک ئەدریانۆ تا ماوەی دوو رووژ دیاری نەویە، ک ماشینەگەی ئەرا یەکیگ لە گەرەکەیل ریو دی جانیرۆ رانیە، تا وەگەرد برادەرەیلی تەماشای بازی سویسرا و بەرازیل بکەێد.
رووژنامەگە وتیش: ژنەگەی گشت وینەیلیان لەبان ئەنیستاگرام سڕیەسەو، و خیزانەگەی ئەدریانۆ پلان ئاهەنگ پشوو هەفتەگە پویچەڵ کردن.
ئەدریانۆ لە ساڵ ٢٠١٦ واز لە تووپان هاورد، ک دویای مردن باوگی وەپی نەکریا لە بازیکردن وەردەوام بوود.
