لە شاریگ قەیەغەی فرووشتن پیتزا و ئایس کرێم کریەێد
2024-04-23T12:06:01+00:00
شەفەق نیوز/ لە شار میلان ئیتاڵیا، فرووشتن ئایسکرێم و پیتزا لە گشت فروشگا و چێشتخانەیل قەیەغەکرێد یەیش لەوەر دروسبوین قەرەباڵغی و دەنگە دەنگ.
وەپای خەوەریگ لە ماڵپەڕ "میلان ڤیتاڵیتی" ، لە یاسا نووەگەی شارەوانی شارەگە هاتیە، فرووشتن پیتزا و ئایسکرێم و بڕیگ خواردن تر لەدویای ساعەت ١٢ـی شەو وە دانشتگەیل شارەگە قەیەغەکرێد.
مارکۆ گرانێلی جێگر سەرۆک شارەوانی لە پۆستیگ نویسانیە، "ئیمە تەقەلا دەیمن هاوسەنگیەیگ لەناوەین چالاکیی کۆمەڵایەتی و وەخت وەسەربردن، ئاشتی و تەندروسی دانشتگەیل و چالاکیی ئابووری ئازاد ئەرا بازرگانەیل وەدەسبارین".
بڕیارەگەش لە مانگ ئایار ئمساڵەو چوودە جیوەجیکردن وەپای ئەوەگ لە تاوسانن خواست لەبان ئەو خواردنەیلە زیاترە وە تایبەت لە شەو.
