لە سوید.. قڵا جادەیلە پاکەو کەێد

شەفەق نیوز/ کۆمپانیایگ سویدی شیوەی جیوازیگ ئەرا پاکەوکردن جادە و مەیدانەیل شار سودرتاليا پەیا کرد، ئەوەیش لە هەڵمەتیگ ئەرا کەمکردن خەرج پاکەوکردن.  

لە راپۆرتیگ لەلاێەن رووژنامەی گاردیان بەریتانی،  نۊسەر دانیام بوفی ئۊشێد؛ کۆمپانیای (Corvid Cleaning) دەسکردە بەڕنامەیگ ئەرا هوکارەکردن قەڵای سیا تا نیمچە سیگارەیل بان زەۊ گردەو بکەن، وەرانوەر ئەوە دان وەپیان دەن.  

کریستیان گونتەر دامەزرن کۆمپانیاگە ئۊشێد؛ ئی باڵندەیل دەیشتەکیە خوەیان ئەرا ئی کارە پەخشی.  

دامەزراوە (Keep Sweden Tidy Foundation) ئۊشێد: هەر یەک ساڵ زیاتر لە یەک ملیار نیمچە سیگار فڕە درێەیدە بان جادەیل سوید، ک ئەوە ٦٢% گشت زواڵەگەس.