لە سەردەم جۆرجیا پەیا بویە.. بەریتانیا ئاهەنگ ئەرا کۆنترین کیسەڵ لە جەهان کەێد
شەفەق نیوز/ خەڵک دوورگەی سانت هیلێنا لە بەریتانیا، ک کەفێدە زەریای ئەتڵەسی، ئاهەنگ جەژن ١٩٠ ئەرا "جۆناسان" گەورەترین کیسەڵ لە جەهان کردن.
جۆ هویلینز پزشک خانەنشین ئاژەڵ ک ئێوەت ئەو کیسەڵە کەێد وت: جۆناسان لە سەردەم جۆرجی پەیا بویە، لە ساڵ ١٨٣٢، هەس وە سەرسامی کەیمن ک جەهان لەو وەختە تا ئیسە ئاڵشتبوین فرەیگ وەخوەی دیە، لەناوبەین دوو جەنگ جەهانی، و ئەوەگ وەسەر ئیمبراتۆریەت بەریتانیا هات، و شمارەی دەسەڵاتدار و شاهەیل.
جۆناسان وە گەورەترین کیسەڵ و گەورەترین کیسەڵ هشکایی هووشدار دریەێدە قەڵەم، و سەر ئی ساڵە چیە ناو کتاو گینیس.
ئەو ئاژەڵە لە ساڵ ١٨٨٢ تا ئیسە لە سانت هیلێنا ژیان کەێد، و تەمەنی شمارەیگ مەزەنەکریاگە، و وینەیگ نشان دەێد ک هەنای رەسیە دوورگەگە تەمەن ٥٠ ساڵ بویە، باوجی مەزەنە کریەێد پیرتر بوود.
ئەو ئاژەڵە ٣٥ دەسەڵاتدار لەبان زەویەیل بەریتانیا وەخوەی دیە.
جۆناسان ئیرنگە لەماڵ حاکم ژیەێد، وەگەرد کیسەڵەیلگتر "دێڤید و ئیما و فرێد" ک فرە لە خوەی بویچگترن.
لە ساڵ ٢٠١٧، خانمە حاکم ناوچەگە لەو مەوقە (لیزا فیلیپس) لە قسەیلی ئەرا ئاژانس فرانس پڕس وت: هەمیشە دەنگی ژنەوە هەنای وەرد پیما لەبان گیا بازی کەێد، ک بایەت بوی چەوم وەپیان بوود، ک هاتێ کیسەڵ پشتەوخوار بوود، و دی نەتوەنێد خوەی راسەو بکەێد.
لە رووژ جمعە تا سێ رووژ خەڵک سانت هیلێنا ئاهەنگ ئەرا جۆناسان کەن، ک ئمڕوو شەممە، ئەو سەوزە ئەرای ئامادە کەن ک خوەشی لەلی تیەێد.
رووژ یەکشەممە جۆناسان ک هەس بووکردن و دیدە لەدەسدایە، دەرفەت تامکردن کێک جەژن پەیابونی کەفێدە دەسی.
پویل کانزایی ٥ سانتی، ئەو کیسەڵە لەبانی دیار دەێد، و هەمیش لەبان پوولەیل کووچکردن.
