لە دێرک.. پیاویگ نەوەت ساڵان یە ٣٥ ساڵە ئاو نەنووشیە
شەفەق نیوز/ مام محمد سەلیم محمد ساڵح، یە زیاتر لە ٣٥ ساڵە ئاو نەنووشیە، وەبی هیچ هووکاریگ ک باسی بکریەێد لە وازهاوردنی لە ئاو نووشین.
محمد سەلیم باوگ هەفت کوڕ و پەنج دوێەتە، لە ئاوای قەلدومان لە باشوور شار دێرک پەیا بویە.
محسن کوڕ محمد سەلیم، ئەرا ئاژانس شەفەق نیوز ئویشێد: یە زیاتر لە ٣٥ ساڵە باوگم ئاو نەنووشیە، لە یادمە ک یەک جار تووش بیمارییگ هات، و هەس وە تام تاڵییگ لە ئاوەگە کرد، و دی واز لە ئاو هاورد.
هەمیش ئویشێد: تەندروسی باوگم فرە خاسە، و هیچ رووژیگ زیان لە کەم ئاوی وەخوەی نەیە، و خوەشی لە چای تیەێد، و جاروباریش دوو نووشێد، باوجی لە مەوقەی بیمارییش وەگەرد دەرمانەیلی لە جیای ئاو چای نووشێد.
محسن باس کەێد چوینکە باوگم هویرمانی لەدەس داگە، ئەراوە لەی ساڵ دویاییە باوگم ئەرا تووشین ئاو گلەو خوارد، وەلێ وەشیوەی فرە کەمیگ.
لەلای خوەییش، محمد حەمو یەکیگە لە خەڵک ئاوای قەلدومان وت: محمد سەلیم قەت خوەشی لە ئاو نەهات، تەنانەت لە رووژیگ کشتوکاڵی و ئاویاری پەمگ لە وەرز گەرم تاوسان، تینگی خوەی وە چای شکانیاد.
حەمو دیاری کرد ک؛ هەر کەسیگ لە سەردەم ئەو بویە تا ئی رووژمانە، ئەوە وەچەو خوەی دیە، و هەر کەسیگ نێناسێدەی ئوڵاجەویی لەلی تیەێد، م لەی تەمەنە و ئاو نێنووشێد.
هەمیشە محمد سەلیم، دویای ئەوە م هویرمانی لەدەس داگە، وەرد خوەیەو ئویشێد، لە ناوبەین مەغریب و عەشا، خوەدا هەر کاری خوازێد کەێد، ئەوەیش دویای گلەوخواردنی ئەرا تام ئاو، دویای بڕینیگ ک زیاتر لە ٣٥ ساڵ وەپی چگ.
