لە خوسەی شکستهاوردن دووسی.. کابرایگ ئەندەنوسی ٨٧ جار ژن خوازێد

شەفەق نیوز/ گەنجەیل فرەیگ چنە ناو دووسی و دڵداری، ئیجا شکست تیارێد، و دڵیان شکیەێد، باوجی ئی پیاو ئەندەنوسیە، تەنیا دووسیەگەی شکست نەهاورد، باوجی سویر و ژنخوازینی هەمیش وە شکستی گلەو خوارد، ک ژن یەکەمی دویای تەنیا دوو ساڵ لە سویریان داوای تەڵاق کرد، ئەراوە بڕیار دا توڵەی ئەوە بسینێد.

پیاوەگە ئیرنگە تەمەنی رەسیەسە ٦٠ ساڵ، و نیاز دیرێد ئەرا ٨٨مین گلە ژن بخوازێد، ک هیمان مینەی دڵداریە راسیەگەی کەێد، ک هەرلە تەمەن ١٤ ساڵانی تا ئیسە هەر ژن خوازێد و هەر جیاوە بوود.

یەکەمین یاری دویەتیگ لە تەمەن ١٦ ساڵان بویە، ک ئەو دویەتە دویای دوو ساڵ واز لەلی هاوردیە.

هەرچەن ئەو کابرا پیاویگ دەوڵەمەن نییە، وەلێ تەنیا کشاورز بەدبەختیگە، ک رووژنامەی مالیزی "مالای میل" باس کردیە ک لەوەر رەفتارەیل گەن ئەو پیاوە یەکەم ژنەگەی واز لەلی هاوردیە.