لە تەمەن ٧٩ ساڵە.. ئەکتەریگ ئەمریکی مناڵیگ ئەرای بوود
2023-05-10T11:19:35+00:00
شەفەق نیوز/ ئەسارەی ئەمریکی رۆبرت دی نیرو، لە تەمەن ٧٩ ساڵە، پیشوازیکردن لە هەفتەم مناڵی راگەیان، ئەوەیش لە هاوسەرەگەس گریس هایتاوەر ک تەمەنی ٥٦ ساڵە.
دی نیرو ئەرا میدیایل راگەیانن وت: ئەو مناڵ نووە ناوی نریا (کوچینیل) ک لە ناوڕاس مانگ ئایار پەیا بویە.
دی نیرو و هایتاوەر لە ساڵ ١٩٩٧ سویر کردنە، و دوو مناڵ لفانە هاورد، ئیلیوت ک ئیرنگە ٢٢ ساڵانە، و هیلین گریس ٩ ساڵانە، و نیرو ٤ مناڵتر لە ژنەیلیگتر دیرێد، دۆناڵد ک ئیرنگە لەتەمەن ٤٧ ساڵە، و رافائیل ٤٥ ساڵە، و توینز ئەرونا و جولیان ٢٤ ساڵن.
دی نیرو کەفتە وەر رەخنە، هاتێ لەبان ئەوە بویە ک تەمەنی لە ٧٩ ساڵ ئەوبانە، وەلێ لە خود وەختەگە فرە کەس دەسخوەشی لەتوانای کەن، ک وەی سەرانەی پیریە مناڵ ئەرای بویە.
