لە باوەت سەنین مانچستەر یونایتد.. ئیلۆن ماسک: هەنەکی کردم

شەفەق نیوز/ سەرۆک جیوەجیکەر کۆمپانیای تسیلاز ملیاردێر ئیلۆن ماسک، ئمڕوو چوارشەممە، ئاشکرای راسی تویتەگەی کرد، لەباوەت سەنین یانەی مانچستەر یونایتد.

ماسک لە تویت نوویگ دیاری کرد ک هەنای یەکیگ لە کۆمێنتیگ پرسیار کرد ئایا راسە یانەگە سینێ؟، وت: نە، یە ماوەیگە ئی هەنەکیە لە تویتەر کەم، هویچ یانەیگ وەرزشی نیەسینم.

ماسک ئەزموونیگ لەی شیوەی پۆستەیلە دیرێد، وەگورەی قسەی رويترز.

مانچستەر یونایتد ئی وەرز نووە وە شیوەیگ کارەساتی دەسوەپی کرد، هەنای وە ٢-١ لە وەردەم برایتۆن ئاند هوف ئەلبیون میوانی شکست هاورد، دویای شکست قورسیگ ٤ وە هویچ لە وەردەم برینفۆرد.

مانچستەر یونایتد یەکیگ لە ناودارترین یانەیل وەرزشی جەهانە، ویەکیگ لە کۆنەترین یانەیل ئینگلتەرا، نازناو خول ئینگلیزی ٢٠ گلە وەدەس هاوردیە، وەگەرد جام ئەوروپا ئەرا ٣ گلە.