لەبان قالی سوور ئەرا ناو زواڵە.. چارەنۊس سیای خانمە هەسارەیگ ئەمریکی

شەفەق نیوز/ ژیان خانمە هەسارەیگ ئەمریکی سەروخوار بۊ، ک دۊای ئەوەگ لە چەرم گوڤارەیل نمایشکردن پڕتاڵ بۊ، ئیسە سەرگەردان ناو جادەیلە، وەپای پەتی و دڵنگەیل داڕزیاگ، مینەی تیکە نانیگ لەناو زواڵە کەێد. 

وەگورەی رووژنامەی دەیلی مەیل بەریتانی، لینی ویلسۆن خانمە نمایشکار پڕتاڵ وەرین، ک ژن جارانی ئەکتەر ئەمریکی جیرمی جاکسۆن بۊ، ئمڕوو لەناو جادەیل ناوچەی "ڤینیس" لە دەورگرد شار لۆس ئەنجلس لە ویلایەت کالیفۆرنیا وڵ و سەرگەردانە.    

باوجی یە چەن ساڵیگە ئی خانمە هەسارەی ئەمریکیە وەیجۊرە گوزەران کەێد، دۊای خراوبۊن تەندروسی مەغز و دەرۊنی، لەوەر وەکارهاوردن هووشبەری.