لەبان قەیران ئابووری.. لوبنان هاناو دەوڵەتەیل زیاترین خەرجکردن لە جەژن زایینی
"وورلد ريميت" خەرج جەژن زایینی لە هەڵڕازانن و دیکۆر وەگەرد ناوڕاس خەرج شام جەژن زایینی، و هەمیشە ناوڕاس خەرج دیاریەیل هەژمار کرد.
دیارە ک خەرج دیاریەیل لەنیمەی وڵاتەیل لە گشتی گرانترە، و دەرکەفت ک لە ٦٠٪ ئەو دەوڵەتەیلە ک لەناویان هەژمار کریا، بایەتە کەسەگە لە بوودجەی مانگانەی خوەی زیاتر خەرج بکەێد تا بتوەنێد خەرج جەژن بکەێد، ئەگەر بخوازێد وە تەواوی ئاهەنگ بکەێد.
"وورلد ريميت" ئویشێدیش: بایەتە خانەوادەیل فرەیگ لە جەهان نزیکەی ١٥٦ لەسەد لە داهات مانگانەیان ئەرا جەژن زایینی ئمساڵ خەرج بکەن.
لەناو ٢٣ دەوڵەت لە ساڵ ٢٠٢٣، کەسەیل فرەیگ لە دەوڵەتەیلیگ جویر فیلیپین و ئۆگەندا و نەیجیریا بایەتە زیاتر لە ١٠٠٪ لە داهات مانگانەیان لە جەژن زایینی خەرج بکەن، و لە بەریتانیا خەرج جەژن زایینی رەسێدە ٦٥ لە سەد زیاتر لە پارەکە.
ئەو لایەنە ک ئی رەوانگە ئامادە کردگە وت: لە پلەی یەکەم و دویەم کەنەدا و لوبنان بوین وەگەرد خەرجیگ گشتی وە ٢١٠٠ دۆلار و ٢٠٥٨ دۆلار.
ئەڵمانیا لە پلەی سێیەم هات وەگەرد ١٤٥٣ دۆلار، ئیجا ئەمریکا وە ١٢٣٦، و فەرەنسا وە ١١٢٧ دۆلار.
