لە کار جیوازیگ.. چێشتخانەیگ عراقی پەنا وە رۆبۆرت بەێد
شەفەق نیوز/ وەگەرد بڵاوبوین پەتای کۆڕونا و کاریگەریەیلی لە ریکارەگان و پاوەنیە سەختەگانی، ناچار چێشتخانەگان کرد تا ماوەیک دەرەیلیان بووەسن یا ونیمچەیی لە دلیڤەری کار بکەن، و هەنای ژیانەگە کەم کەم ئەرا شار و جادەگان هاتەو، پابەنیدگە وە رینما گشتیەگان جوور دویرەوکەفتن کۆمەڵایەتی جوور ئەرکیگ سەرەکی مینێد، ئەراوە ناچار بوین شیویلیگ نوو ئەرا پێشوازی کردن لە کڕیارەگانیان پەیا بکەن.
خاوەن چێشتخانەیگ عراقی لە پارێزگای کەربەلا خزمەتیگ دویر وەدویری ئەرا کڕیارەگانی پێشکەش کرد، ک مێزەیل زیرەکیگ دانا، کڕیارەگە لەڕی رۆبۆڕتیگ لەو ناوە جوولە کەێد داواگەی پەسەن کەێد، ئیجا رۆبۆرتەگە لەناوبەین مێزەگانەو رەد بوودە تا خواردنەگە رەسنێدە خاوەنی، و لەلای وسیەێد تا کڕیارەگە وەدەس خوەی خواردنەگە لەلی بەێد.
موستەفا موختار خاوەن چێشتخانەگە وت: هەنای پەتای کۆڕونا لە جهان وعراق دەسکردە پی، گشت کۆمەڵگاکە لەوەر دانیشتنیان لە ماڵ تووش دڵتەنگی هاتن، ئەراوە دەرچگن ئەرا مەردمەگە دابین کردیمن تا لە کەشوهەوای بی ترسیگ وە کەمەوکردن تیکڵایی لەناونی مەردمەگە دانیشن.
