كلێنس گرێبەسەگەی میسی وە زیاتر لە 900 هەزار دۆلار فرووشیا
2024-05-20T11:54:33+00:00
شەفەق نیوز/ خانەی بۆنهامز ئەرا زیایکردن ئاشکەرا راگەیان ئەو کلێنسەی گرێبەس پەیوەنیکردن لیۆنێل میسی وە یانەی بەرشەلۆنەی ئیسپنی لەبانی نویسریابوی وە بڕ 969 هەزار دۆلار فروشیا.
لە مانگ (کانونی یەکەم/12) ساڵ 2000 کارڵس ریشاک وەرێوەبەری وەرزشی ئەو سەردەمەی یانەی بەرشەلۆنە، لەبان ئەو کلێنسە پەیوەندیکردن لیۆنێل میسی وە یانە ئیسپانییەگە واژووکرد، واژووکردنەگە بویە ساتیگ مێژوویی لە تووپان.
هووکار نویسانن گرێبەسەگە وەبان کلێنس چوودەو ئەرا ئەوەگ ریشاک و هوراسیۆ جاجیۆلی بریکار کاروبار مێسی لە وەخت ئاشخواردن نیمەڕوو بوین و گفتووگو لە باوەت پەیوەنیکردن ئاسارەی ئەرجەنتینیەگە وە یانەی بەرشەلۆنەو کردن.
لەبان کلێنسەگە نویسریاگە، لە رووژ 14ی مانگ (کانون یەکەم/12) ساڵ 2000 وە ئامادەبوین مێنگیلا و هوراسیۆ، وەڕێوەبەر وەرزشی یانەی بەرشەلۆنا رازیبو ئەرا واژووکردن وەبان گرێبەست پەیوەنی کردن لیۆنێل مێسی وە یانەی بەرشەلۆنەی توپان ئیسپانی.
