كابرایگ ١٤ مار لەناو گیرفانەیلی شارێدەو تا قاچاخیان لە سنوور چین بکەێد
2023-08-15T13:12:21+00:00
شەفەق نیوز/ ئەندامەیل گومرگی لە وڵات چین سەریان سڕ بوی لە کەسیگ کە تەقەلا دا بڕیگ مار رخبەر وە شیوەیگ نایاسایی لە وڵاتەگە بوەێدە دەیشت، بەڵام ئەوەگ ئەڵاجەویترە، ئەو کابرا ١٤ مار خستیەسە ناو گیرفانەیلی کە مەوقەی تەقەلای قاچاخکردنیان لەلای پەیا کریا، و وەکوتپڕ دەسگیری کردن.
تیمەیل گومرگ لە مەوقەی وەشکین ئەرایان دەرکەفتیە کە ئەو کەسە ١٤ مار لە گیرفانەیل خوەی پڕ کردیە، هەرلیوا هەر یەکیگیان خستیەسە ناو کیسەیگ پەڕوو.
ئەو کابرا لە بەندەر فوتیان کە خاڵیگە ئەرا چگن وەناو سنوور ناوەین هشکایی چین و هۆنگ کۆنگ دەسگیر کریا.
وەپەی ئەو زانیارییە ک بڵاوی کریایە، ئەفسەرەیل گومرگ چینی نووڕینە کە پیاوەکە گرژەو بویە و تەقەلا دەێد خوەی نەخەێدە وەرچەو، ئەراوە داوا کردنە بوەشکنەی تا ١٤ مار لەناو جوراو پەمی و کیسەی پەڕوو پەیا کردن.
