قویلترین جیماگەی کەشتییگ ئەمریکی وە ئاگر یابان نقوم بویە
شەفەق نیوز/ دەریاوانەیل توەنستن پارچەیل کەشتییگ لە قویلترین شوین لەژیر ئاو پەیا بکەن، ک کەشتییگ جەنگی دەریاوانی ئەمریکاس، لە جەنگ جەهانی دویەم نقوم کریایە.
ئەو کەشتی جەنگیە وەناو "یو ئێس ئێس ساموئێل رۆبیرتس دی ئەی- ٤١٣" لە دەریای فیلیپین پەیا کریا.
لە ١٩٤٤ لە جەنگیگ وەرانوەر دوورگەی سامار لە دەریای فیلیپین، وە ئاگر یابان، ئەو کەشتیە ویران کریا، و لە قویلی ٢٢٦٠٠ پا لەژیر دەریا بنەو گرد.
وەگورەی رووژنامەی دەیلی مەیل بەریتانی، ٢٢٤ پیاو لەناو ئەو کەشتیە بوینە، ٨٩ لەلیان مردنە، وئەوەکان وە بەلەم خوەیان قورتار کردنە.
فیسکوفۆ، ئەو کابرا ک جیماگەیل کەشتیەگە پەیا کرد وت: ٦ گلە داوەزیمە قویلایی تا پەیای بکەم، ئی پەیاکردنە بویە دەرفەتیگ ئەرا ئەو باسەیل ئەرک وپاڵەوانیە.
فیسکوفۆ وتیش: ئاسن دروو نیەکەێد، و جیماگەیل کەشتیەگە دویاترن وەچەودی ئەو جەنگەیلەسە ک سەربازەیل دەریاوانی ئەنجامی دان.
ڤیدیۆیگ ئەو جیماگەیل ویران وچەکەیل ناوی وەگەرد تۆربینەیل نشان دەێد، وەگەرد شوین گولەی یابانی.
