قویلترین بیر لە جەهان
2023-07-28T07:02:40+00:00
شەفەق نیوز/ قویلترین بیر لە جەهان ناوی "کۆلا" س و ماوەی 19 ساڵ کار لەلی کریاس، ئی بیرە کەفێدە بان خاک روسیا و لەسەردەم یەکێتی سۆڤێت وەرین لە باکوور خوەرئاوای ئەو وڵاتە هەڵکەنیاس.
بیرەگە قویلی 12 هەزار و 200 مەترە و ئی بیرە لە ساڵەیل ناوبەین 1970 تا 1989 هەڵکەنیایە و حکومەت رووسیا بودجەگەی دابین کردیە.
ئامانج لەلی ئاشنابوینە وە ئەو نهێنیەیلە دەس ئەرایان نەوریاگە و بەشیگ فرەیان وە پەنهانی مەندنە، ئێ گامەی مرۆڤایەتیش فرە بویچگە ئەرای چوینکە ئەگەر کرۆک زەوی وەربگرین 6 هەزار و 380 کیلومەتر لە رویکار زەوی دویرە، ئەوە دەرکەفێد ک تەنیا 0.219% لە قلافەی زەوی بڕینە.
لە ساڵ 1989 وە یەکجاری پرۆژەگە پەکیخریا چوینکە پلەی گەرمی بەرزە ک رەسیە 180 پلەی سەدی ئامێرەیل هەڵکەنین توانای بڕین زیاتر نەیرن لەی پلە گەرمیە.
