قەڵەمە تایبەتەگەی هیتلەر فرووشیەێد
2023-05-31T09:46:14+00:00
شەفەق نیوز/ قەڵەم خوەڵەکویی و له نوقرە درسکریاگ ک موڵک ئەدۆڵف هیتلەر سەرۆک نازییەگان بویە، لە مانگ ئایندە لە زیادکردنیگ ئاشکەرا فرووشیەێد ک نرخەگەی لەمابەین 75 ئەرا 100 هەزار دۆلار بوود.
وەپای ماڵپەڕ "گاردیان" بەریتانی، مەزەنەکریەێد قەڵەمەگە وەلایەن ئیڤا براون وە دیاری ئەرا هتلەر لەیاد 52 ساڵە لەداڵگبوینی لە 20 نیسان 1941 کل کریاس.
ئی پێنووسە وە لایەن کابرایگ ئەزرەتمەن ئەنتیگ لەساڵ 2002 سەنیاگە، نەخشیگ هابانی ک وە "Eva" کۆتایی تێد و هەردگ پیت "A" و"H" لەبانیە.
زیادکردنەگە لە شار بلفاست کریەد، رێکخەرەیل زیادکردنەگەیش چەوەڕێ کەن خوازیار فرەیگ لەبانی قەڵەمەگە بوود.
