فرە وەکارهاوردن مۆبایل هەڕەشەی مل دەێد
وەگەرد زیایبوین وەخت وەکارهاوردن مۆبایل لە رووژانە، پزشکەیل هوشداری دان، ک ئەو زوور وەردەوامە ک تیەێدە بان سوخان و دەمارەیل، هاتێ بوودە ژانیگ درویژماوە، وەگەرد هشکەوبوین دەماریل و هەوکردن جومگەیل.
پسپۆڕەیل وتنیش: سەر کەسیگ کیشەگەی هاوناوبەین ٤.٥ تا ٥.٤ کێلوگرام، و چەماننی وەرەو نوا وە سویک ٤٥ پلە ئەرا نووڕستن مۆبایل، زوور ٢٢ کێلوگرام تیارێدە بان مل.
رووژنامەی دەیلی مەیل بەریتانی، لە زوان کافیتا تریڤدی خانمە مامووستای یاریدەر لە زانکۆی تەکساس ساوسویسترن، وت: ئایەم دروس کریاگە تا راس بووسێد، و لەشمان ئەرا نووڕین وەرەو خوار ئەرا ماوەی درویژ نەکونجیاگە، ک ژووریگ زیاتر لەبان مل تیارێد.
دیاری کرد ک مەوقەی نووڕستن وەرەو خوار وەشیوەیگ وەردەوام، زوور ٢٢ کێلوگرام زیای، شەکەتی جومگەیل مل کەێد.
وتیش: هەرچەنیگ مل بچەمیەێد، زووریش فرەوە بوود، و دەمارەیلیش کیشیەنەو، ک بوودە هەوکردن و ژانیگ لە مل.
