فیتگ
پاتشاێ بڕیار دا کوڕەگەی بکەێدە جێگر خوەێ، وەلێ بەنا وە داتەک وڵات پاتشا بایەس خێزاندار بوو. پاتشا فەرمان دا سەد کەس دۊەت جوان کوو بکەن تا ئەڕا کوڕەی هاوژینێ هەڵوژنێ. ئەو وەختە گشت دۊەتەیلە وەناو سالوونێ کوو کرد و وەهەر کامیان چنجگ بۊچگێ دا وەتە پێیان : وەناو سێ مانگ بانان کە وەهارە، هەرکەس وە ئی چنجگە جوانترین گوڵ بارێدە ئەمەڵ بوودە وەۊ پاتشا.
دۊەتەیل لە ئی ڕووژەگەیا دەس وەکار بین و لە ناو ئەو دۊەتەیلە یەی دۊەت هەژار ڕووستا زادەێ بی ک وەناو ڕووستا زنەی کردیاد. ئەو وە ڕاوێژ(مشورت) کردن وەگەرد کشاوەرزەیل ڕووستاگەێ چنجگە نارەێ ناو گوڵدان ، وەلێ دۊاێ 90 ڕووژ هۊچ گوڵێ جیغ نێیا.
فرە کەسیش وەتە پێ دی وەناو کووبۊنەوە نچوو، وەلێ دۊەتە وەت: نیەتوام سەرنکەفتێ حساو بووم هەمیش کەو زۊەڵە !
ڕووژ دیاری کریا ڕەسی پاتشا دی کە 99 کەس لە دۊەتەیلە وە یەک یەی گلدان ڕەنگینا هاتنە، ئیکە وە دۊەت ڕووستازایە مدوو دەس پەتیێ پرسی و ئەویش جواو ڕک و ڕاس وەت و پاتشایش شنەفت.
ئەو وەخت ویر کردە گشتیان وەت وەۊ مە ئی دۊەت ڕووستا زایەس !مەبەست مە یە بی ک ڕاسگووترین دۊەت بۊنما !
تەمام چنجگەیلێ کە داۊمە پێدان نەزووک بین، وەلێ ئێوە گشتدان فێڵبازی کردینە و گوڵەیلێ تر هاوردینە، بێجگە ئی دۊەتە کە ڕاس و دروس هاورد.
جوانترین سیفەت ئایەم راسگووییە !
هەڵگەردان سادق جەلیلیان
