عراق لە پلەی ٩٨ لە لیست دڵخوەشترین وڵاتەیل جەهان

راپۆرتیگ کە ماڵپەڕەگە ئامادەی کردیە، کە ئاژانس شەفەق نیوز نووڕیەی، رووشنایی خستیەسە بان پەیمانەکردن رەوشەیلیگ جویر خوەشهاڵی و رەزامەنی لە ژیان، کە وە "کاریگ قورس" دادەی قەڵەم.

توێژەرەیل پشت راپۆرتەگە وە سادەیی پرسیار لە خەڵک کردن کە چەنیگ لە ژیانیان رازیین، و پلە ئەرا وەکارهاوردن ئی وەڵامەیلە دادانە ک لەلایەن ئەو کەسەیلە لە وڵاتەیل جیاجیا تووماری کردنە، هەرلیوا هوکارەیل کوالیتی ژیان دیاری کریان.

وەپەی راپۆرتەگە، ناوڕاس ئاست خوەشهاڵی جەهانی لە ئیسە 5.5 لە بڕ 10 کەسە، کە بەراورد وە ساڵ گوزەشتە 0.1 داوەزیە.

وەگورەی ئەو رزبەنیە، فینلاند لە ساڵ ٢٠٢٣ لە رزبەن یەکەم دڵخوەشترین وڵاتەیل جەهان لە بڕ ١٣٧ وڵات لەناو خشتەگە هات وە ٧.٨ پلە، ئیجا دانیمارک وە   ٧.٦ پلە، لە دویای ئەویش ئایسلەندا وە  ٧.٦ پلە، ئیجا ئیسرائیل وە  7.5 پلە، هۆڵەندا وە 7.4 پلە کەفتە رز پەنەجەم، لە وەختیگ ئەفغانستان وە 1.9 پلە کەفتە خوار  رزبەنییەگە، و کەمترین وڵات دڵخوەشە لە جەهان، لە دویای ئەویش لوبنان وە 2.4 پلە هات.

لە جەهان عەرەبی، ئیمارات  لە رز ٢٦ جەهان و یەکەم جەهان عەرەبی بە گردەوکردن  ٦.٦ پلە، سعودیە لە رز ٣٠ جەهان و دویەم جەهان عەرەب وە  ٦.٥ پلە، کەفتە رز دویەم لەناو عەرەب، بەحرەینیش پلەی دویەم وەدەسهاورد لە پلەی ٤٢ جەهانی و سێیەم لە ئاست جەهان عەرەبی وە گردەوکردن ٦.٢ پلە، و لە رز دویەمیش جەزائیر لە پلەی ٨١ جەهانی و چوارەم جەهان عەرەبی وە ٥.٣ پلە، عراق پلەی ٩٨ جەهانی و پەنجەم جەهان عەرەبی وە ٥ پلە، ئیجا فەلەستین لە رز ٩٩ و شەشەم جەهان عەرەبی، و مەغریب لەرز ١٠٠ و هەفتەم جەهان عەرەبی، مۆریتانیا پلەی ١٠٣ و هەشتەم جەهانی عەرەبی، تونس پلەی ١١٠ و نوهەم جەهان عەرەبی، میسر پلەی ١٢١ جەهانی و دەیەم جەهانی عەرەبی، ئوردن پلەی ١٢٣ی جەهانی و یازدەهەم جەهانی عەرەبی و لوبنان پلەی ١٣٦ جەهانی و دوانزەهەم جەهان عەرەبی.

توێژەرەیل باس وڵاتەیلیگ عەرەبی، جویر؛ کوەیت، عومان، قەتەر، سوریا، سودان و یەمەن نەکردنە.