شمارەیگ کورد تەقەلادانە وەناو ماشین یەخچاڵ بچنە بەریتانیا

شەفەق نیوز/ دۊکە لە باکور فەڕەنسا 7 کووچبەر کورد، لەناو سەردکەرەوەیگ قورتارکریان، مەوقەی خوازینە لە بەلجیکاوە خوەیان بڕەسنە بەریتانیا، لەوەختیگ پلەی گەرمی ساردکەرەوەگە 25 لەخوار سفر بۊیە. 

وەگورەی زانیاری ڕێکخراوەیل وە هاناوەچگن کۆچبەرەیل، ئەو کەسەیلە تەقەلادانە وە سەردکەرەوەگە خوەیان بڕەسنە بەریتانیا خێزان کوردیگ بۊینە و منداڵیش وەپیان بۊیە. 

مەوقەی کووچبەرەیلە چگنە ناو ماشین سەردکەرەگە، نەتۊنستنە زیاتر تاقەت بارن، لەوەر نزمی پلەی گەرمییەگەی و تەلەفۆن ئەرا ڕێکخراوەیل وەهاناوەچگن کۆچبەرەیل کردنە. 

لە ری رانندەی بارهەڵگرەگە هەس وە دەنگەدەنگ و کوتان بارهەڵگرەگەی کردیە، دۊیاجار زانستیە ک  7 کەس خوەیان لەناو یەخچاڵ ماشینەگە شاردنە. 

خوەیشاردن لەناو بارهەڵگرەیلە، یەکیگە لە ریەیل رەسین وە بەریتانیا ک کووچبەرەیل وەکاریتێرن، هووکارەگەی چوودەو ئەرا ئەوەگ کەمتر وشکین ئەرا ئی ماشینەیلە کریەێد چۊنکە ئایەم نیتوەنێد  وەرگەی ئەو سەردیە بگرێد ک هالەناو یەخچاڵ ماشینەگە.