چیشتەخانەیگ یابانی مەرج ئەڵاجەوییگ لەبان میوانەیلی چەسپنێد
2023-04-03T13:36:50+00:00
شەفەق نیوز/ بڕە چیشتەخانەیلیگ تایبەت وە خوەراک ماکەرۆنە لە یابان، وە ریسگای سەختیگ ناسیانە، ک ئویشێد: ئاشەگەد وەزوی بخوە و بچووە ریەو.
چوینکە میوانەیل سەریان هاناو مۆبایل، ئەراوە ئی چیشتەخانەیلە وەختیگ ئەرا خواردن میوانەیل دیاری کردن، تا تەواو بکەن و وەزوی بچنە ریەو.
کیتو کای وەڕیەوبەر ئەو چیشتەخانەیلە ئویشێد: جاریگ سەرمان لەناو کار بوی، دوینیمن میوانیگ یە چوار خولەکە نانەگەی نەخواردیە، و هەر نووڕێدە ڤیدۆ لەناو مۆبایلەگەی، و ئاشەگە لەوەردمی سەردەو بوی.
وتیش: هەنای شوینەگە پڕە لە مەردم، و نووڕم ک نان نیەخوەن، و نووڕنە ناو مۆبایل، وەپیان ئویشم: دی واز بارن.
