شاريگ خوه‌شگوزه‌رێ وه‌خاتر دويه‌ته كه‌مئه‌ندامه‌گه‌ێ دامه‌زران!
شه‌فه‌ق نيوز/ باوگيگ ئه‌مريكى له ولايه‌ت تكساس هه‌ناێ ك چه‌وێ كه‌فت هويچ شاريگ خوه‌شگوزه‌رێ نيه ئه‌را دويه‌ته كه‌مئه‌ندامه‌گه‌ێ وه‌خت خوه‌شيگ له‌تى بووه‌ێده سه‌ر، بڕيار دا شاريگ ئه‌را كه‌مئه‌ندامه‌يل دامه‌زرنێد.
غۆدرۆن هارتمان وه‌خته‌يل پشتوو وه‌ل خيزانه‌گه‌ێ ئه‌وه‌ێده سه‌ر و له‌وه‌خت ده‌رچگنى له حه‌وز مه‌له‌وانى چه‌وديرێ مورغان 12 ساڵان دويه‌تێ كرد ك وازى كردياد وه‌ل بڕيگ له مناڵه‌يل، وه‌لێ ئه‌و مناڵه‌يله هيشتنه‌ێ جى و هارتمانيش باوه‌ڕێ ئه‌وه بوێ ك ئه‌و مناڵه‌يله له‌وه‌ر ئه‌وه دويه‌ته‌گه‌ێ وه‌جى هيشتنه نه‌زانستنه چوين مامڵه وه‌ليا بكه‌ن ك كه‌مئه‌ندامه، دێ له‌يرا هارتمان هوير له دامه‌زرانن شاريگ خوه‌شگوزه‌رى كرد ئه‌را كه‌مئه‌ندامه‌يل.
جى باسه، هارتمان وه‌رجه 10 ساڵ بڕيار دا ئى شاره دامه‌زرنێد و خاوه‌ن كومپانيايگ عه‌قارى بوى و فرووشته‌ێ ئه‌را ئه‌وه‌گ كۆمه‌ڵگه‌ێ "غۆردۆن هارتمان فاميلى" وه‌پى دامه‌زرنێد، ك ده‌زگايگ قانجاز نه‌كه‌ره و ئامانج له‌لى پشتگيريكردن كه‌مئه‌ندامه‌يله.
