شارەزایەیل هووشداری لە ئەوزەڵکردن باکتریا لەبان سەنیا دەن
2024-07-20T13:04:30+00:00
شەفەق نیوز/ شارەزایەیل تەندروسی هووشیاری دەن گەرمی تاوسانبوودە هووکار ئارەق کردن فرەیگ لە مەوقەی خەفتن، ئیەش هیلێد بەکتریا فرەتر ئەوزەڵ بکەێد.
شارەزایەیل ئاشکەراکردنە، ئارەقکردن لەوەت شەو بوودە هووکار گردەوبوین باکتریا فرەیگ لەناو سەنیا یەیش هیلێد لە تاواڵتەگان پیستر بوون ئەگەر تا ماوەی فرەیگ نەشورێد.
دکتۆر گاریس نای، نووسەر سەرەکی توێژینەوەگە وە ماڵپەڕ " Wales Online " راگەیاندیە " توەنیمن بوشیمن ئەگەر ماوەی فرەیگ باڵنجەگان نەشووریمن ئەوا بی گوومان بوودە ژینگەی خاسیگ ئەرا باکتریاگان".
دووپاتکەێد، هەفتانە یەک تا دوو جار بایەت باڵنجەیلە بشووریەن تا باکتریا لەبانی کووەونەو و ئەوزەڵ نەکەد..
سەنیای نەشوریای دویای تەنیا یەک هەفتە 3 ملیۆن جویر باکتریا گرێدە خوەی نزێکەی 17 جارە وە بەراود وە کورسیگ تەوالێت، یەیش کاریگەری نەرێنی لەبان تەندروسی دروسکەێد.
