شاریگ ژاپۆنی ناچار خەڵکەگەی کەێد گشت رووژیگ بخەنن
وەگورەی رووژنامەی دەیلی مەیل، یاساگا رووژ جمعەی گوزەشتە لە پارێزگای یاماگاتای باکوور دەرچگ، لە بنەمای توێژینەوەیگ وەلایەن زانکۆیگ بابانی کە ئویشێد؛ خەنستن لە رخ بیماریەیل دڵ دویرەو خەێد، و تەمەن درەیژەو کەێد.
وەگەرد ئەوە کە یاساگە داوا لە مەردم کەێد بایەسە رووژانە بخەنن، هەمیش داوا لە کۆمپانیایل کەێد ژینگەی کاریگ دروس بکەن پڕ لە خەنە بوود، و رووژ هەشتەم لە گشت مانگیگ بوودە (رووژ خەنە).
یاساگا وەلایەن ئەندامەیل پارت دیموکرات لیبرالیزم دەرکریا، وەلێ وەزیرەیل ئۆپۆزسیۆن رەخنە لە یاساگا گردن، کە ماف سەرەکی ئایەم ئەوەسە روخساری ئاسایی بوود.
تورو ییکی لە حزب شیوعی ژاپۆن وت: هەستن یا نەخەنستن ماف سەرەکی ئایمە کە لە دەستوور وتیاس.
کەسەیلیگ ترەک وتن یە جیاوازی وەبان ئەوانە خەێد کە لەوەر گیچەڵیگ یا هەر هوکاریگ توانای خەنین نەیرن.
شیگیرۆ مینامینۆ پسپۆڕ لە یاسای دەستووری لە زانکۆی شیکاگۆ وت: بایەسە سیاسەتمەدارەیل لەی بیتامیە واز بارن، وتیش؛ هەرچەن خاسە هەر رووژیگ یەی گلە لەلای کەمەو بخەنیمن، وەلێ نەبایەس پەلپ ئی چشتە بگری، یا لە ئەنجومەن پارێزگا داوای بکەی.
توێژینەوەیگ لەلایەن کۆلێژ پزشکی لە زانکۆی یاماگاتا کە گۆڤار "Journal of Epidemiology" لە ساڵ 2019 بڵاوی کرد، وت: ئەو کەسەیلە کە لەلای کەمەو یەی گلە لە هەفتەگە خەنن، کەمتر تویش بیماری دڵ بوون لەوانەگ یەی گلە لە مانگەگە خەنن.
