شەرمنی مناڵ چوین چارەسەر کریەێد؟
2023-02-03T13:53:05+00:00
شەفەق نیوز/شەرمنی بواریگ نائاسیە ک وەسەر مناڵ تێد لەوەخت رەفتارکردن وەگەرد کەسەیل تر ک مناڵەگە هەس وە کەموکوڕی لەخوەی كەێد، يةيش هیلێد هەس وە ترس و دڵەڕەواکێ بکەێد.
ئەرا چارەسەرکردن شەرمنی مناڵ کریەێد لەری چەن گامیگ ئاسان هەڵبگرین جویر:
- تەقەلاداین ئەرا ئەوەگ مناڵەگە زیاتر پشت وەخوتی بوەسێد وەی جویرە متمانەی وە خوەی فرەترەو بوود.
- بایەتە داڵگ و باوگ دویرەوبکەفن لە بەراوردکردنی وەگەرد مناڵەیلتر.
- نەبایەت وە هیوچ جویریگ وە مناڵەگە بویشریەێد شەرمنە چوینکە فرە دوارە کردنی وە راسی بوودە هووکار ئەوەگ مناڵەگە زیاتر هەس وە شەرم بکەێد.
- تەقەلاداین ئەرا هاندان و سووپاسکردن مناڵەگە و بەرز نرخانن ئەو کارەیلە ئەنجامیان دەێد.
- بایەت داڵگ و باوگە هووکار شەرم ردن مناڵەگەی پەیا بکەێد و تەقەلای چارەسەرکزدنی بدەێد.
