شەربەت ئەنار بوودە هووکار دەسگیرکردن کابرایگ
2023-11-04T08:55:13+00:00
شەفەق نیوز/ گەشتیاریگ ئازەربایجانی تەمەن 36 ساڵ، لە رێستورانتیگ لە پورتوگال تەقەلا دایە وە گارسۆنەگە بویشێد شەربەت ئەنار توام، باوجی بەرنامەی "Google translate” قسەیلی وە هەڵە ئەڵگەردیان کردیە و گارسۆنەگە لەخوەیەو نارنجەگ تەقینەوە هاوەپێ، وەی مدووە دەسوەجی تەلەفۆن پۆلیس کردیە.
رووژنامەی تەلەگراف بەریتانی بڵاوکردیە، گەشتیارەگە لە جیای وشەی " pomegranate" بنوسێد وشەی "grenade"ـ نویسایە، کە ئەوەی دویەم وە مانای نارنجەگ تێد.
وەپای رووژنامەگە، پۆلیس گەشتیارە ئازەربایجانییەگە دەسگیرکردیە، دویای وشکین ئەرا وتاقەگەی کە لەناوی منینێد و کەلوپەلەیلی دەرچگە هویچ چەکیگ و تەقەمەنیيگ وەپی نەویە، گشت چشتیگ خاسە و گەشتیارەگە هویچ چەکیگ نەێرێد ئازاد کریا.
