سوودە ئەڵاجێوەیل سیر

شەفەق نیوز/ سیر یەکیگە لە روەکەیل سوودوەخش، جۊر دەرمان وەکار تیەێد ئەرا چارەسەرکردن چەن بیمارییگ، لەهەمان وەخت سوود فرەیگ رەسنێد وە پووس، ماڵپەڕ bespotted سوودەیل و شێواز وەکارهاوردنی  بڵاوکردیە. 

سوودەیلی:

  1. دەوڵەمەنە وە کالسیۆم، زینک، سیلینیۆم و مەگنسیۆم، پووس وە جوانی هیلێدەو

2. دژە ئۆکسانە و پووس لە شێرپەنجە پارێزێد.

3. سووڕ خۊن گورج کەێد و پووس وە گەشیی هیلێدەو.

4. دژە بەکتریا و دژە هەوکرنە  چارەسەر زیپکەی روخسار کەێد.

5. دەوڵەمەنە وە ڤیتامین C دەسمیەتی زۊ خاسەوبۊن زەخمەیل پووس دەێد.

6. دژە پیربۊن روخسارە.

7. چارەسەر خاڵەیل سیا لەبان روخسار کەێد.  شێواز وەکارهاوردنی: 

ماسک ئالۆڤێرا و سیر ئەرا نووکردن پووس.

یەک کەمچگ ئالۆڤیرا، 1 دەنگ سیر و 1 کەمچگ زەیت گوێزی هندی تێکەڵا کرێد تا جۊر گیراوەیگ وەپی تێد، ئەرا ماوەی 10 خولەک درێد لە پووس، دۊاجار شورێد و کرێم تایوەت وە جۆر پووسەگە وەکارتێد. 

ماسک سیر ئەرا دژە پیر بۊن: 1 دەنگ سیر، 2 کەمچگ بۊچگ مۆز وردکریای، 1 کەوچگ بۊچگ زەیت بادەم، چەن دڵۆپیگ زەیت لاڤێندەر، تێکه‌ڵا بکە ئەرا ماوەی 10 خولەک بدە لە پووسد، دۊاجار کرێم نەرمەوکەر وەکنربار، هەفتەی 1-2 جار دوارە کریەێد.