سودەیل ئەڵاجەۊییگ لە تەڵا ئەرا ژن

شەفەق نیوز/ ماڵپەڕ Dazzlingrock لە باوەتیگ وەی جۊرە باس لە سودەیل تەڵا ئەرا خانمەیل کەێد: 

1. دەور دیرێد لە هاوسەنگ‌کردن پلەی گەرمی لەش، ئەگەر پلەی گەرمی لەش بەرزبوود یا نزمبوود، تەڵا کاریگەری خوەی دیرێد و رێکیخەێد. 

2. تۊنێد چارەی زەخمەیل بکەێد، وەتایبەت ئەو زەخمەیلە ک ماوەی فرەیگ دروسبۊینە، هەرلیوا مەوقەیگ تەڵا بخریەێدە بان زەخمەیلە و ژانەگەی لاوەێد.   

3. لە تۊژینەوە دەرچگە ک تەڵا تۊنێد چارەسەر هەوکردن جومگەیل بکەێد و نیشانەیلی کەم ‌بکەێد. 

4. لە ری کەمکردن سترێس و دڵەڕاوکی، دەسمیەتی خاسترکردن بار دەرۊنی دەێد.

5. تۊنێد گرفتەیل پووس ونشانەیل پیربۊین روخسار چارسەر بکەێد، هەرلیوا پووس رەونقدارەو  کەێد. 

6. دەور دیرێد  لە رەسانن بڕە ئۆکسجین فرەتر ئەرا خانەیلە، وزەیگ ئەرێنی زیاتر بەخشێدە لەش.