ئەسر ژن
زاڕوویگ لە داڵگی پرسی، داڵگە ئەڕا گیرید؟
داڵگ وت: ئەڕا یە کە من ژنم
زاڕوو وت: دا، خو هویچیگ نەفامستم
داڵگ کوڕ خوەی گردە باوەش و وت: قەت نیەفامیدەی
زاڕوو چگ لە باوگی پرسی: ئایا داڵگم ئەڕا هەر لەخوەیەو دەسنەێدە گیری؟
باوگە وت: گشت ژنەیل هەر وەبیخود گیرن..
رووژ هات و رووژ چگ، زاڕووەگە گەورە بوی، و بویە پیاییگ، هیمان نیەزانێد ژن ئەڕا چە هەر لە خوەیەو گیرێد.
رووژیگ لە پیاییگ دانا پرسی، ئەڕا چە ژن گیرێد؟
دانا وت: خودا شانەیل ژن ئەرا بار ئی دونیا دروس کردگە، و دوو بال ناسک و رەنگین ئەرای کردگە، تا دڵسووزی وە ئیمە بەێد.
و لەەناوەو هاز گەورەیگ ئەرای کردگە تا توانای مناڵ زایین بیاشتوود، و تا هەوسەڵی رەفتاریان بیاشتوود هەناێ ئی مناڵەیلە گەورە بوون، و واز لە داڵگ تیارن.
هەمیش توانای هەڵگردن زوور و فشار پەڵپەیل ماڵ و مناڵ وەپی پیشکەش کردگە، و لە سەختترین وەختیگ کار خوەی کەێد، و دووسی مناڵەیلی خستیەسە ناو دڵی، کە هەرچەگ وەپی بکەن هەر دڵی ئەرایان سزێد.
ئمجا، تا بتوەنێد ئی هەمکەی زوور و قورسیە هەڵگرێد، خودا ئەسریگ ئەرای دروس کرد، تا گشت مەینەتی و شەکەتی و فشاریگ وە گیرستن درارێد.
ئەراوە هەناێ ژنیگ گیرێد، وڵی کە، با تەز بار سەنگین خوەی درارێد.
