سالار شەس ساڵە.. کوینەترین خاسەوکەر چشتەیل کارەبایی لە سلێمانی.. وینە
سالار ئەرا ئاژانس شەفەق نیوز ئویشێد: خاوەن بڕوانامەی پەیمانگای تەکنۆلۆژیای بەغدادە لە بەش کارەبا، و لە ساڵ ١٩٩١ دەسوە پیشەگەی کردگە لە بازاڕ کوینەی سلێمانی.
پیاوەگە خوەی وە کوینەترین خاسەوکەر چشتەیل کارەبایی لەی بازاڕە دەێدە قەڵەم، و ئویشێد: لە ساعەت هەیشت شەوەکیان تا ساعەت شەش ئیواران کار کەێد.
سالار ئویشێدیش: هەر لە مناڵیی خوەشی لە پیشەی خاسەوکردن چشتەیل کارەبایی هاتیە، و هەنای لە ناوەندی بویە ئامێرەیل ناو ماڵ خاسەو کردگە، و لەو دووسیە ئەرا ئی کارە پیشەگەی وەرگردیە.
ئەو پیاوە ک لەناو بڕیگ لە کەرەستە نيشتگە، شانازیی وەخوەی نشان دەێد، ک ئویشێد: فرە لە «ئوستایل» ئی پیشە لەی دوکانیە هوکارە بوینە، لەناویان سێ کوڕ خوەی ک ئیسە لە خود پیشەگە کار ئەرا خوەیان کەن.
ئەو پیاو لەناو تەمەن شەسەیلە ئویشێد: ئی پیشە تەنیا نان رووژانە ئەرای دەرکەێد، و خوەییش وەیە رازیە.
لەباوەت ئامێرەیل کارەبایی هاوردە و نوو، ک هەڕەشەی لەناوبردن پیشەگەی دەێد، سالار ئویشێد: کڕیارەیلی واز لەلی نیارن، و وازیش لە ئامێرە کوینەیل نیارن، و هەمیشە تیارنەی ئەرا خاسەوکرد، و لەلیان هەس تەمەنی لە ٣٠ ساڵ رەد کردیە، و وەدەم خەنینە ئویشێد: ئەوان ئویشن ئیمە خی دایمنەسە ئی ئامێرەیلە هەکاتی تو ک دووس ئی پیشە تواێ.
