سەگیگ کورپەی یەک رووژەیگ لە مردن قورتار کەێد
2024-01-09T09:22:46+00:00
شەفەق نیوز/ لە میسڕ مناڵیگ تەمەن یەک رووژە وە شیوەی ئەڵاجەوییگ وەلایەن سەگیگ قورتاری بوود لە مردن.
میدیاگان میسڕ بڵاویکردنە، سەگیگ مناڵیگ ساوا لە شوینیگ چوڵایی لە ئاوای حەزەینییەی سەر وە شار شەبین لە میسر پەیاکردیە کە وەجی هیلیاگە، سەگەگە پارچە پەرویگ وە مناڵەگە پیچاسەو وەدەم کیشایەسێ و لوڕانیە تا ریبوارەیل هەس وەپی بکەن.
وە مدوو سەگەگە مەردم ئاوایەگە وەپی زانستنە و دەسگردنەس مینەکردن ئەرا ناسنامەی مناڵەگە.
شایەتحاڵەیل ئاشکەرایکردنە مناڵەگە کوڕە و یەک رووژەس چەچوانەیگ لەدەسی بویە ناو داڵگی لەبانی نویسریایە.
