سێ نیشانە دەرخەێد ئەکاونت واتسئەپەگەد هاک کریاگە
2023-07-20T15:02:14+00:00
شەفەق نیوز/ واتسئەپ یەکیگە لە ئەپڵیکەیشنە وەناوبانگەیل کۆمپانیای جەهانی Meta، هەمیشە وەدویای پاراستن ئەکاونتە کەسییەگانیە لە هاککردن، ئیەش هیشتیە کۆمەڵیگ لە شارەزایەیل بڕیگ رێوشوین جیبەجی بکەن تا ئەکاونتەگەد وە سەڵامەتی بمینێد.
"هاککەر"هەمیشە وەدویای ری نوویگ گەردێد، تا دەس وەبان ئەکاونتیگ واتسئەپ بگرێد.
وەپای رووژنامەی "زە سەن" ی بەریتانی بڕیگ نیشانە هەس ک دیاریکەن هەشمار واتسئەپەگەد هاککریاگە، گرنگترینیان ئیانەن:
١.دەرکەفتن ئامێریگ نوو لەبان ئامێرە بەسریاگەیل، لیست ئامێرەیل بەسریاگ لە ئەکاونت واتسئەپ دوینریەد، ئیەش نیشانەی ئەوەس هاک کریاێدە.
٢. ئاڵشتبوین ئەڵاجەوی لە ئەکاونت واتسئەپەگەد روی دەێد، جویر وازکردن نامەیل وەرجە خوەد یان ئەکتیڤ بوین واتسئەپ وە وەردەوامی.
٣. واتسئەپەگەد یەواش بوود، ئەگەر ئەپەگانتر بیجگە لە واتسئەپ وە خاسی کاربکەن ئەوە نیشانەیگە ئەرا هاککردن ئەپەگە.
