سەنگ شەیتان پارچە بوود

شەفەق نیوز/ راپۆرتەیلیگ یابانی، باس کردن ک ئەو سەنگە ک وەناو "سەنگ شەیتان" ناسریاگە، بۊە جفتیگ کوت، ک باوەڕیگ ئەفسانە هەس ئۊشێد: هەرکەسیگ نزیک ئی سەنگە بکەفێد مەرگ خوەی دۊنێد.  

وەگورەی رووژنامەی گاردیان بەریتانی؛ ئەفسانەی یابانی ئۊشێد: ئی سەنگ گڕکانیە گیان شەیتان وەشیوەی ژن جوانیگ لەناوی بۊە، ک ئۊشن بەشیگ بۊە لە پیلانیگ لەلایەن میرشایگ ئەرا کوشتن ئیمبراتۆر توبا ک لەناو ساڵەیل ١١٠٨ و ١١٢٣ دەسەڵاتدار ئەو وڵاتە بۊە.  

ئەو سەنگە بۊە دوو پارچە لەوەر واران، ک بەشیگ لە یابان باوەڕ دیرن ک مەرگ چەوەڕی ئەو کەسە کەێد ک خوازێد بکەفێدە نزیک ئەو سەنگە. 

ئی سەنگە هالە پارێزگای توشیکی لەنزیک تۆکیۆی پایتەخت،  و مەزەنە هەس لەی رووژەیل نزیکە بۊەسە دوو کوت.