سەرکەفتن یەکەم نەشتەرگەری چنین ریخەلو لە جەهان
شەفەق نیوز/ خەسخانەی "لاباز" لە مەدرید راگەیان، مناڵیگ شیرەخوەر ئسپانی17 مانگ یەکەم نەشتەرگەری سەرکەفتی ئەرا چنین ریخەلوی ئەنجامدا، لە وەخشەریگ ک لەوەر بیماری دڵ گیان لەدەسداوێد.
خەسخانەگە لە بەیانیگ وت" مناڵەگە ئیرەنگە دەرکریایە لەماڵەو هاوەرد داڵگ و باوگی".
ئسپانیا وە یەکیگ لە وڵاتەیل گرنگ دانریەێد لە نەشتەرگەری ئەندامەیل لەش لەبان ئاست جەهان، لە ساڵ 2021 زیاتر لە 120 نەشتەرگەری ئەرا ملیۆنیگ کەس ئەنجامدایە وەپای وەزارەت تەندروسی ئسپانیا ئی رێژەگە تەنیا ئەمریکا رەدنەکردیە.
کورپەگە لە تەمەن یەک مانگی تویش لەکارکەفت ریخەلوی هاتوێد، لەوەر ئەوەگ ریخەلوی فرە کوڵ بویە، و تەندروسی فرە تێک چگە تا رەسیەس ئەوەی نەشتەرگەری کاڵین چەن بەشیگ ئەرای بکریەێد.
وەگەرد ریخەلوی، لەهەمان وەخت جگەر و گەیە و سپڵ و پەنکریاس وەرگرد.
داڵگی وەرجە ئەوەگ سوپاس خیزان وەخشەرەگە و دکتۆرەیل بکەێد وە رووژنامەنوسەیل وت: " خەوەرە خوەشەگە ئەوەس ژیان وەردەوامە، ئێماش فرە ئازاس گشت رووژ ئەوە چەسپاندنی ک تواێد وەردەوام بوود لە ژیان".
