سەدان لە باڵندەیل لە ئاسمان مەکسیک وەجۊر ئەڵاجەۊییگ کەفنە خوار
شەفەق نیوز/ ئاسمان مەکسیک، سیمای ئەڵاجەۊییگ وەخوەی دی، ک سەدان لە باڵندەیل کووچبەر لە ئاسمانەو کەفنە خوار.
خەڵکەگە لە ویلایەت چیواوا خەوەردان لە پەیاکردن سەدان لە باڵندەیل مردارەوبۊ لە ناوچەی ئەلڤارۆ ئۆبریگۆن.
ڤیدیۆیلیگ لەبان سۆشیال میدیا نشان باڵندەیلیگ دا لە ئاسمانەو وەناکاوەو کەفنە زەۊ.
وەگورەی رووژنامەی دەیلی مەیل بەریتانی، ئەو رۊداو نادیارە لەو باڵندەیلە نشان دریا ک لە وەرز زمسان لە کەنەدا وەرەو مەکسیک چن.
رووژنامەی ئیل هیراڵدۆ دی چیواوای مەکسیکی لە زوان پزشکیگ ئاژەڵی وت: ئەو سیما لەوەر ئەوە بۊە ک باڵندەیلە هڵمەیل ژەهرین هەڵمژینە، یا کەفتنەسە وەر کارەبا لە وایەرەیل وزە.
ریچارد بروتۆن زانای ژینگەی بەریتانیا وت: شایەت باڵندەیل دڕندە پەلامار بڕ ئی باڵندەیلە دانە، ک باڵندەیلی لە پڕک خوەیان چینە، و ئیجا دانەسە وایەرەیل کارەبا و کەفتنە.
